2021 елның 1 гыйнварыннан 2021 елның 31 декабренә кадәр РФ кайбер субъектлары һәм муниципаль берәмлекләр территорияләрендә җир һәм күчемсез милек турында Бердәм мәгълүмат ресурсын булдыру буенча эксперимент үткәреләчәк
«2021 елда җир һәм күчемсез милек турында Бердәм мәгълүмат ресурсын булдыру буенча эксперимент үткәрү турында» 31.12.202020 ел, №2429 РФ Хөкүмәте карары белән җир һәм күчемсез милек турында Бердәм мәгълүмат ресурсын булдыру күздә тотыла, шул исәптән түбәндәге бурычларны хәл итүгә юнәлдерелгән:
- күчемсез милек объектлары һәм дәүләт мәгълүмат ресурсларындагы территорияләр турында белешмәләрнең дөреслеген, сыйфатын һәм тулылыгын арттыру;
- файдаланылмый торган күчемсез милек объектларын хуҗалык әйләнешенә кертү;
- мәгълүматларны формалаштыру һәм мәгълүмати сервисларны кулланганда бүленгән җаваплылык хисабына бер үк мәгълүматны төрле мәгълүмати системаларга кертү зарурилыгын төшереп калдыру;;
- гражданнарга һәм оешмаларга җир кишәрлекләре һәм башка күчемсез милек объектларын эзләү һәм бирү процедурасын гадиләштерү;
- берләштерелгән бюджетларның керем өлешен милек салымнарыннан һәм җыемнардан арттыру;
- ведомство мәгълүмат ресурсларын идарә объектлары турында Яңа дөрес мәгълүмат белән тулыландыру мөмкинлеген тәэмин итү.
Татарстан Республикасы (Әтнә, Яшел Үзән һәм Питрәч муниципаль районнары) эксперимент үткәреләчәк РФ субъектлары һәм муниципаль берәмлекләр исемлегенә кертелгән.
ТР Җир һәм мөлкәт мөнәсәбәтләре министрлыгы матбугат хезмәте.